1 ει ουν συνηγερθητε τω χ̅ω̅, τα ανω ζητειτε, ου ο χ̅σ̅ εστιν, εν δεξια του θ̅υ̅ καθημενοσ. 2 τα ανω φρονειτε, μη τα επι τησ γησ. 3 απεθανετε γαρ, και η ζωη υμων κεκρυπται συν τω χ̅ω̅ εν τω θ̅ω̅. 4 οταν ο χ̅σ̅ φανερωθη, η ζωη υμων, τοτε και υμεισ συν αυτω φανερωθησεσθε εν δοξη.
5 νεκρωσατε ουν τα μελη τα επι τησ γησ: πορνειαν, ακαθαρσιαν, παθοσ, επιθυμιαν κακην, και την πλεονεξιαν, ητισ εστιν ειδωλολατρια; 6 δι α ερχεται η οργη του θ̅υ̅, 7 εν οισ και υμεισ περιεπατησατε ποτε οτε εζητε εν τουτοισ. 8 νυνι δε αποθεσθε και υμεισ τα παντα: οργην, θυμον, κακιαν, βλασφημιαν, αισχρολογιαν εκ του στοματοσ υμων. 9 μη ψευδεσθε εισ αλληλουσ, απεκδυσαμενοι τον παλαιον ανθρωπον συν ταισ πραξεσιν αυτου, 10 και ενδυσαμενοι τον νεον, τον ανακαινουμενον εισ επιγνωσιν, κατ εικονα του κτισαντοσ αυτον; 11 οπου ουκ ενι ελλην και ιουδαιοσ, περιτομη και ακροβυστια, βαρβαροσ, σκυθησ, δουλοσ, ελευθεροσ, αλλα παντα και εν πασιν χ̅σ̅.
12 ενδυσασθε ουν, ωσ εκλεκτοι του θ̅υ̅ αγιοι και ηγαπημενοι, σπλαγχνα οικτιρμου, χρηστοτητα, ταπεινοφροσυνην, πραυτητα, μακροθυμιαν; 13 ανεχομενοι αλληλων και χαριζομενοι εαυτοισ, εαν τισ προσ τινα εχη μομφην; καθωσ και ο κ̅σ̅ εχαρισατο υμιν, ουτωσ και υμεισ. 14 επι πασιν δε τουτοισ, την αγαπην, ο εστιν συνδεσμοσ τησ τελειοτητοσ. 15 και η ειρηνη του χ̅υ̅ βραβευετω εν ταισ καρδιαισ υμων, εισ ην και εκληθητε εν ενι σωματι; και ευχαριστοι γινεσθε. 16 ο λογοσ του χ̅υ̅ ενοικειτω εν υμιν πλουσιωσ εν παση σοφια, διδασκοντεσ και νουθετουντεσ εαυτουσ ψαλμοισ, υμνοισ, ωδαισ πνευματικαισ, εν τη χαριτι, αδοντεσ εν ταισ καρδιαισ υμων τω θ̅ω̅. 17 και παν, ο τι εαν ποιητε εν λογω η εν εργω, παντα εν ονοματι κ̅υ̅ ι̅υ̅, ευχαριστουντεσ τω θ̅ω̅ πατρι δι αυτου.
18 αι γυναικεσ, υποτασσεσθε τοισ ανδρασιν, ωσ ανηκεν εν κ̅ω̅. 19 οι ανδρεσ, αγαπατε τασ γυναικασ, και μη πικραινεσθε προσ αυτασ.
20 τα τεκνα, υπακουετε τοισ γονευσιν κατα παντα, τουτο γαρ ευαρεστον εστιν εν κ̅ω̅. 21 οι πατερεσ, μη ερεθιζετε τα τεκνα υμων, ινα μη αθυμωσιν. 22 οι δουλοι, υπακουετε κατα παντα τοισ κατα σαρκα κυριοισ, μη εν οφθαλμοδουλεια, ωσ ανθρωπαρεσκοι, αλλ εν απλοτητι καρδιασ, φοβουμενοι τον κ̅ν̅. 23 ο εαν ποιητε, εκ ψυχησ εργαζεσθε, ωσ τω κ̅ω̅ και ουκ ανθρωποισ; 24 ειδοτεσ οτι απο κ̅υ̅ απολημψεσθε την ανταποδοσιν τησ κληρονομιασ. τω κ̅ω̅ χ̅ω̅ δουλευετε. 25 ο γαρ αδικων, κομιειται ο ηδικησεν, και ουκ εστιν προσωπολημψια.