1 ολωσ ακουεται εν υμιν πορνεια, και τοιαυτη πορνεια ητισ ουδε εν τοισ εθνεσιν, ωστε γυναικα τινα του πατροσ εχειν. 2 και υμεισ πεφυσιωμενοι εστε, και ουχι μαλλον επενθησατε, ινα αρθη εκ μεσου υμων ο, το εργον τουτο ποιησασ. 3 εγω μεν γαρ απων τω σωματι, παρων δε τω πνευματι, ηδη κεκρικα ωσ παρων, τον ουτωσ τουτο κατεργασαμενον. 4 εν τω ονοματι του κ̅υ̅ ημων, ι̅υ̅ χ̅υ̅, συναχθεντων υμων και του εμου πνευματοσ, συν τη δυναμει του κ̅υ̅ ημων ι̅υ̅, 5 παραδουναι τον τοιουτον τω σατανα εισ ολεθρον τησ σαρκοσ, ινα το πνευμα σωθη εν τη ημερα του κ̅υ̅.
6 ου καλον το καυχημα υμων. ουκ οιδατε οτι μικρα ζυμη, ολον το φυραμα ζυμοι? 7 εκκαθαρατε την παλαιαν ζυμην, ινα ητε νεον φυραμα, καθωσ εστε αζυμοι. και γαρ το πασχα ημων ετυθη, χ̅σ̅. 8 ωστε εορταζωμεν, μη εν ζυμη παλαια, μηδε εν ζυμη κακιασ και πονηριασ, αλλ εν αζυμοισ ειλικρινειασ και αληθειασ.
9 εγραψα υμιν εν τη επιστολη, μη συναναμιγνυσθαι πορνοισ; 10 ου παντωσ τοισ πορνοισ του κοσμου τουτου, η τοισ πλεονεκταισ και αρπαξιν, η ειδωλολατραισ, επει ωφειλετε αρα εκ του κοσμου εξελθειν. 11 νυν δε εγραψα υμιν μη συναναμιγνυσθαι εαν τισ “αδελφοσ” ονομαζομενοσ η πορνοσ, η πλεονεκτησ, η ειδωλολατρησ, η λοιδοροσ, η μεθυσοσ, η αρπαξ; τω τοιουτω μηδε συνεσθιειν. 12 τι γαρ μοι τουσ εξω κρινειν? ουχι τουσ εσω υμεισ κρινετε? 13 τουσ δε εξω ο θ̅σ̅ κρινει. “εξαρατε τον πονηρον εξ υμων αυτων.”