1 ουτωσ ημασ λογιζεσθω ανθρωποσ ωσ υπηρετασ χ̅υ̅, και οικονομουσ μυστηριων θ̅υ̅. 2 ωδε λοιπον ζητειται εν τοισ οικονομοισ ινα πιστοσ τισ ευρεθη. 3 εμοι δε εισ ελαχιστον εστιν, ινα υφ υμων ανακριθω, η υπο ανθρωπινησ ημερασ; αλλ ουδε εμαυτον ανακρινω. 4 ουδεν γαρ εμαυτω συνοιδα, αλλ ουκ εν τουτω δεδικαιωμαι; ο δε ανακρινων με κ̅σ̅ εστιν. 5 ωστε μη προ καιρου τι κρινετε, εωσ αν ελθη ο κ̅σ̅, οσ και φωτισει τα κρυπτα του σκοτουσ, και φανερωσει τασ βουλασ των καρδιων; και τοτε ο επαινοσ γενησεται εκαστω απο του θ̅υ̅.
6 ταυτα δε, αδελφοι, μετεσχηματισα εισ εμαυτον και απολλων δι υμασ, ινα εν ημιν μαθητε, το “μη υπερ α γεγραπται”, ινα μη εισ υπερ του ενοσ, φυσιουσθε κατα του ετερου. 7 τισ γαρ σε διακρινει? τι δε εχεισ ο ουκ ελαβεσ? ει δε και ελαβεσ, τι καυχασαι ωσ μη λαβων?
8 ηδη κεκορεσμενοι εστε, ηδη επλουτησατε, χωρισ ημων εβασιλευσατε, και οφελον γε εβασιλευσατε, ινα και ημεισ υμιν συνβασιλευσωμεν. 9 δοκω γαρ ο θ̅σ̅ ημασ τουσ αποστολουσ εσχατουσ απεδειξεν, ωσ επιθανατιουσ, οτι θεατρον εγενηθημεν τω κοσμω, και αγγελοισ και ανθρωποισ. 10 ημεισ μωροι δια χ̅ν̅, υμεισ δε φρονιμοι εν χ̅ω̅; ημεισ ασθενεισ, υμεισ δε ισχυροι; υμεισ ενδοξοι, ημεισ δε ατιμοι. 11 αχρι τησ αρτι ωρασ, και πεινωμεν και διψωμεν, και γυμνιτευομεν, και κολαφιζομεθα, και αστατουμεν, 12 και κοπιωμεν, εργαζομενοι ταισ ιδιαισ χερσιν. λοιδορουμενοι, ευλογουμεν; διωκομενοι, ανεχομεθα; 13 δυσφημουμενοι, παρακαλουμεν; ωσ περικαθαρματα του κοσμου εγενηθημεν, παντων περιψημα εωσ αρτι.
14 ουκ εντρεπων υμασ γραφω ταυτα, αλλ ωσ τεκνα μου αγαπητα, νουθετω. 15 εαν γαρ μυριουσ παιδαγωγουσ εχητε εν χ̅ω̅, αλλ ου πολλουσ πατερασ; εν γαρ χ̅ω̅ ι̅υ̅ δια του ευαγγελιου, εγω υμασ εγεννησα. 16 παρακαλω ουν υμασ, μιμηται μου γινεσθε. 17 δια τουτο επεμψα υμιν τιμοθεον, οσ εστιν μου τεκνον, αγαπητον και πιστον εν κ̅ω̅, οσ υμασ αναμνησει τασ οδουσ μου τασ εν χ̅ω̅ ι̅υ̅, καθωσ πανταχου εν παση εκκλησια διδασκω. 18 ωσ μη ερχομενου δε μου προσ υμασ, εφυσιωθησαν τινεσ; 19 ελευσομαι δε ταχεωσ προσ υμασ, εαν ο κ̅σ̅ θεληση, και γνωσομαι, ου τον λογον των πεφυσιωμενων, αλλα την δυναμιν. 20 ου γαρ εν λογω η βασιλεια του θ̅υ̅, αλλ εν δυναμει. 21 τι θελετε? εν ραβδω ελθω προσ υμασ, η εν αγαπη, πνευματι τε πραυτητοσ?