כה

   וַ֭יַּעַן בִּלְדַּ֥ד הַשֻּׁחִ֗י וַיֹּאמַֽר׃
ב הַמְשֵׁ֣ל וָפַ֣חַד עִמּ֑וֹ
  עֹשֶׂ֥ה שָׁ֝ל֗וֹם בִּמְרוֹמָֽיו׃
ג הֲיֵ֣שׁ מִ֭סְפָּר לִגְדוּדָ֑יו
  וְעַל־​מִ֝֗י לֹא־​יָק֥וּם אוֹרֵֽהוּ׃
ד וּמַה־​יִּצְדַּ֣ק אֱנ֣וֹשׁ עִם־​אֵ֑ל
  וּמַה־​יִּ֝זְכֶּ֗ה יְל֣וּד אִשָּֽׁה׃
ה הֵ֣ן עַד־​יָ֭רֵחַ וְלֹ֣א יַאֲהִ֑יל
  וְ֝כוֹכָבִ֗ים לֹא־​זַכּ֥וּ בְעֵינָֽיו׃
ו אַ֭ף כִּֽי־​אֱנ֣וֹשׁ רִמָּ֑ה
  וּבֶן־​אָ֝דָ֗ם תּוֹלֵעָֽה׃