1 και ειδον ουρανον καινον και γην καινην; ο γαρ πρωτοσ ουρανοσ και η πρωτη γη απηλθαν, και η θαλασσα ουκ εστιν ετι. 2 και την πολιν την αγιαν, ιερουσαλημ καινην, ειδον καταβαινουσαν εκ του ουρανου απο του θ̅υ̅, ητοιμασμενην ωσ νυμφην, κεκοσμημενην τω ανδρι αυτησ. 3 και ηκουσα φωνησ μεγαλησ εκ του θρονου λεγουσησ, “ιδου, η σκηνη του θ̅υ̅ μετα των ανθρωπων, και σκηνωσει μετ αυτων, και αυτοι λαοι αυτου εσονται, και αυτοσ ο θ̅σ̅ εσται μετ αυτων, 4 και εξαλειψει παν δακρυον εκ των οφθαλμων αυτων, και ο θανατοσ ουκ εσται ετι, ουτε πενθοσ, ουτε κραυγη, ουτε πονοσ, ουκ εσται ετι; τα πρωτα απηλθαν.”
5 και ειπεν ο καθημενοσ επι τω θρονω, “ιδου, καινα ποιω παντα.” και λεγει μοι, “γραψον, οτι ουτοι οι λογοι πιστοι και αληθινοι εισιν.” 6 και ειπεν μοι, “γεγοναν! εγω το αλφα και το ω, η αρχη και το τελοσ. εγω τω διψωντι δωσω εκ τησ πηγησ του υδατοσ τησ ζωησ δωρεαν. 7 ο νικων κληρονομησει ταυτα, και εσομαι αυτω θ̅σ̅, και αυτοσ εσται μοι υιοσ. 8 τοισ δε δειλοισ, και απιστοισ, και εβδελυγμενοισ, και φονευσι, και πορνοισ, και φαρμακοισ, και ειδωλολατραισ, και πασι τοισ ψευδεσιν, το μεροσ αυτων εν τη λιμνη τη καιομενη πυρι και θειω, ο εστιν ο θανατοσ ο δευτεροσ.”
9 και ηλθεν εισ εκ των επτα αγγελων, των εχοντων τασ επτα φιαλασ, των γεμοντων των επτα πληγων των εσχατων, και ελαλησεν μετ εμου λεγων, “δευρο, δειξω σοι την νυμφην, την γυναικα του αρνιου.” 10 και απηνεγκεν με εν π̅ν̅ι̅ επι οροσ μεγα και υψηλον, και εδειξεν μοι την πολιν την αγιαν ιερουσαλημ, καταβαινουσαν εκ του ουρανου απο του θ̅υ̅, 11 εχουσαν την δοξαν του θ̅υ̅. ο φωστηρ αυτησ ομοιοσ λιθω τιμιωτατω, ωσ λιθω ιασπιδι κρυσταλλιζοντι, 12 εχουσα τειχοσ μεγα και υψηλον, εχουσα πυλωνασ δωδεκα, και επι τοισ πυλωσιν αγγελουσ δωδεκα, και ονοματα επιγεγραμμενα, α εστιν των δωδεκα φυλων υιων ισραηλ; 13 απο ανατολησ πυλωνεσ τρεισ, και απο βορρα πυλωνεσ τρεισ, και απο νοτου πυλωνεσ τρεισ, και απο δυσμων πυλωνεσ τρεισ; 14 και το τειχοσ τησ πολεωσ εχων θεμελιουσ δωδεκα, και επ αυτων δωδεκα ονοματα των δωδεκα αποστολων του αρνιου.
15 και ο λαλων μετ εμου ειχεν μετρον καλαμον χρυσουν, ινα μετρηση την πολιν, και τουσ πυλωνασ αυτησ, και το τειχοσ αυτησ. 16 και η πολισ τετραγωνοσ κειται, και το μηκοσ αυτησ οσον το πλατοσ. και εμετρησεν την πολιν τω καλαμω επι σταδιων δωδεκα χιλιαδων το μηκοσ, και το πλατοσ, και το υψοσ αυτησ, ισα εστιν. 17 και εμετρησεν το τειχοσ αυτησ, εκατον τεσσερακοντα τεσσαρων πηχων, μετρον ανθρωπου ο εστιν αγγελου. 18 και η ενδωμησισ του τειχουσ αυτησ ιασπισ; και η πολισ χρυσιον καθαρον, ομοιον υαλω καθαρω. 19 οι θεμελιοι του τειχουσ τησ πολεωσ παντι λιθω τιμιω κεκοσμημενοι; ο θεμελιοσ ο πρωτοσ ιασπισ, ο δευτεροσ σαπφειροσ, ο τριτοσ χαλκηδων, ο τεταρτοσ σμαραγδοσ, 20 ο πεμπτοσ σαρδονυξ, ο εκτοσ σαρδιον, ο εβδομοσ χρυσολιθοσ, ο ογδοοσ βηρυλλοσ, ο ενατοσ τοπαζιον, ο δεκατοσ χρυσοπρασοσ, ο ενδεκατοσ υακινθοσ, ο δωδεκατοσ αμεθυστοσ. 21 και οι δωδεκα πυλωνεσ δωδεκα μαργαριται; ανα εισ εκαστοσ των πυλωνων ην εξ ενοσ μαργαριτου. και η πλατεια τησ πολεωσ χρυσιον καθαρον ωσ υαλοσ διαυγησ.
22 και ναον ουκ ειδον εν αυτη, ο γαρ κ̅σ̅ ο θ̅σ̅ ο παντοκρατωρ ναοσ αυτησ εστιν, και το αρνιον. 23 και η πολισ ου χρειαν εχει του ηλιου ουδε τησ σεληνησ ινα φαινωσιν αυτη, η γαρ δοξα του θ̅υ̅ εφωτισεν αυτην, και ο λυχνοσ αυτησ το αρνιον. 24 και περιπατησουσιν τα εθνη δια του φωτοσ αυτησ, και οι βασιλεισ τησ γησ φερουσιν την δοξαν αυτων εισ αυτην. 25 και οι πυλωνεσ αυτησ ου μη κλεισθωσιν ημερασ, νυξ γαρ ουκ εσται εκει. 26 και οισουσιν την δοξαν και την τιμην των εθνων εισ αυτην. 27 και ου μη εισελθη εισ αυτην παν κοινον, και ο ποιων βδελυγμα και ψευδοσ, ει μη οι γεγραμμενοι εν τω βιβλιω τησ ζωησ του αρνιου.