1 και ειδον εκ τησ θαλασσησ θηριον αναβαινον, εχον κερατα δεκα και κεφαλασ επτα, και επι των κερατων αυτου δεκα διαδηματα, και επι τασ κεφαλασ αυτου ονομα βλασφημιασ. 2 και το θηριον ο ειδον ην ομοιον παρδαλει, και οι ποδεσ αυτου ωσ αρκου, και το στομα αυτου ωσ στομα λεοντοσ. και εδωκεν αυτω ο δρακων την δυναμιν αυτου, και τον θρονον αυτου, και εξουσιαν μεγαλην. 3 και μιαν εκ των κεφαλων αυτου ωσ εσφαγμενην εισ θανατον, και η πληγη του θανατου αυτου εθεραπευθη. και εθαυμασθη ολη η γη οπισω του θηριου; 4 και προσεκυνησαν τω δρακοντι, οτι εδωκεν την εξουσιαν τω θηριω, και προσεκυνησαν τω θηριω λεγοντεσ, “τισ ομοιοσ τω θηριω, και τισ δυναται πολεμησαι μετ αυτου?”
5 και εδοθη αυτω στομα λαλουν μεγαλα και βλασφημιασ, και εδοθη αυτω εξουσια ποιησαι μηνασ τεσσερακοντα δυο. 6 και ηνοιξε το στομα αυτου εισ βλασφημιασ προσ τον θ̅ν̅, βλασφημησαι το ονομα αυτου, και την σκηνην αυτου, τουσ εν τω ουρανω σκηνουντασ. 7 και εδοθη αυτω ποιησαι πολεμον μετα των αγιων και νικησαι αυτουσ, και εδοθη αυτω εξουσια επι πασαν φυλην, και λαον, και γλωσσαν, και εθνοσ. 8 και προσκυνησουσιν αυτον παντεσ οι κατοικουντεσ επι τησ γησ, ων ου γεγραπται το ονομα αυτου εν τω βιβλιω τησ ζωησ του αρνιου, του εσφαγμενου απο καταβολησ κοσμου.
9 ει τισ εχει ουσ, ακουσατω. 10 ει τισ εισ αιχμαλωσιαν, υπαγει, ει τισ εν μαχαιρη αποκτενει, δει αυτον εν μαχαιρη αποκτανθηναι. ωδε εστιν η υπομονη και η πιστισ των αγιων.
11 και ειδον αλλο θηριον αναβαινον εκ τησ γησ, και ειχεν κερατα δυο ομοια αρνιω, και ελαλει ωσ δρακων. 12 και την εξουσιαν του πρωτου θηριου πασαν ποιει ενωπιον αυτου. και ποιει την γην και τουσ εν αυτη κατοικουντασ, ινα προσκυνησουσιν το θηριον το πρωτον, ου εθεραπευθη η πληγη του θανατου αυτου. 13 και ποιει σημεια μεγαλα, ινα και πυρ ποιη καταβαινειν εκ του ουρανου εισ την γην ενωπιον των ανθρωπων. 14 και πλανα τουσ κατοικουντασ επι τησ γησ, δια τα σημεια α εδοθη αυτω ποιησαι ενωπιον του θηριου, λεγων τοισ κατοικουσιν επι τησ γησ, ποιησαι εικονα τω θηριω, οσ εχει την πληγην τησ μαχαιρησ και εζησεν. 15 και εδοθη αυτω δουναι πνευμα τη εικονι του θηριου, ινα και λαληση η εικων του θηριου, και ποιηση οσοι εαν μη προσκυνησωσιν τη εικονι του θηριου αποκτανθωσιν. 16 και ποιει παντασ, τουσ μικρουσ και τουσ μεγαλουσ, και τουσ πλουσιουσ και τουσ πτωχουσ, και τουσ ελευθερουσ και τουσ δουλουσ, ινα δωσιν αυτοισ χαραγμα επι τησ χειροσ αυτων τησ δεξιασ, η επι το μετωπον αυτων, 17 και ινα μη τισ δυνηται αγορασαι η πωλησαι, ει μη ο εχων το χαραγμα, το ονομα του θηριου, η τον αριθμον του ονοματοσ αυτου. 18 ωδε η σοφια εστιν: ο εχων νουν ψηφισατω τον αριθμον του θηριου; αριθμοσ γαρ ανθρωπου εστιν, και ο αριθμοσ αυτου εστιν εξακοσιοι εξηκοντα εξ.