προσ τιμοθεον α 4

1 το δε π̅ν̅α̅ ρητωσ λεγει οτι εν υστεροισ καιροισ, αποστησονται τινεσ τησ πιστεωσ, προσεχοντεσ πνευμασι πλανοισ και διδασκαλιαισ δαιμονιων, 2 εν υποκρισει ψευδολογων, κεκαυστηριασμενων την ιδιαν συνειδησιν, 3 κωλυοντων γαμειν, απεχεσθαι βρωματων α ο θ̅σ̅ εκτισεν εισ μεταλημψιν μετα ευχαριστιασ, τοισ πιστοισ και επεγνωκοσι την αληθειαν. 4 οτι παν κτισμα θ̅υ̅ καλον, και ουδεν αποβλητον μετα ευχαριστιασ λαμβανομενον; 5 αγιαζεται γαρ δια λογου θ̅υ̅ και εντευξεωσ.

6 ταυτα υποτιθεμενοσ τοισ αδελφοισ, καλοσ εση διακονοσ χ̅υ̅ ι̅υ̅, εντρεφομενοσ τοισ λογοισ τησ πιστεωσ, και τησ καλησ διδασκαλιασ η παρηκολουθηκασ. 7 τουσ δε βεβηλουσ και γραωδεισ μυθουσ παραιτου. γυμναζε δε σεαυτον προσ ευσεβειαν; 8 “η” γαρ “σωματικη γυμνασια προσ ολιγον εστιν ωφελιμοσ, η δε ευσεβεια προσ παντα ωφελιμοσ εστιν”, επαγγελιαν εχουσα ζωησ τησ νυν, και τησ μελλουσησ. 9 πιστοσ ο λογοσ, και πασησ αποδοχησ αξιοσ. 10 εισ τουτο γαρ κοπιωμεν και αγωνιζομεθα, οτι ηλπικαμεν επι θ̅ω̅ ζωντι, οσ εστιν σωτηρ παντων ανθρωπων, μαλιστα πιστων.

11 παραγγελλε ταυτα και διδασκε. 12 μηδεισ σου τησ νεοτητοσ καταφρονειτω, αλλα τυποσ γινου των πιστων, εν λογω, εν αναστροφη, εν αγαπη, εν πιστει, εν αγνια. 13 εωσ ερχομαι, προσεχε τη αναγνωσει, τη παρακλησει, τη διδασκαλια. 14 μη αμελει του εν σοι χαρισματοσ, ο εδοθη σοι δια προφητειασ, μετα επιθεσεωσ των χειρων του πρεσβυτεριου. 15 ταυτα μελετα, εν τουτοισ ισθι, ινα σου η προκοπη φανερα η πασιν. 16 επεχε σεαυτω και τη διδασκαλια. επιμενε αυτοισ, τουτο γαρ ποιων, και σεαυτον σωσεισ και τουσ ακουοντασ σου.