1 περι δε των χρονων και των καιρων, αδελφοι, ου χρειαν εχετε υμιν γραφεσθαι. 2 αυτοι γαρ ακριβωσ οιδατε οτι ημερα κ̅υ̅, ωσ κλεπτησ εν νυκτι ουτωσ ερχεται. 3 οταν λεγωσιν, “ειρηνη και ασφαλεια”, τοτε αιφνιδιοσ αυτοισ εφισταται ολεθροσ, ωσπερ η ωδιν τη εν γαστρι εχουση; και ου μη εκφυγωσιν. 4 υμεισ δε, αδελφοι, ουκ εστε εν σκοτει, ινα η ημερα υμασ ωσ κλεπτασ καταλαβη. 5 παντεσ γαρ υμεισ υιοι φωτοσ εστε, και υιοι ημερασ. ουκ εσμεν νυκτοσ ουδε σκοτουσ. 6 αρα ουν μη καθευδωμεν ωσ οι λοιποι, αλλα γρηγορωμεν και νηφωμεν. 7 οι γαρ καθευδοντεσ, νυκτοσ καθευδουσιν; και οι μεθυσκομενοι, νυκτοσ μεθυουσιν. 8 ημεισ δε ημερασ οντεσ, νηφωμεν, ενδυσαμενοι θωρακα πιστεωσ και αγαπησ, και περικεφαλαιαν, ελπιδα σωτηριασ; 9 οτι ουκ εθετο ημασ ο θ̅σ̅ εισ οργην, αλλα εισ περιποιησιν σωτηριασ δια του κ̅υ̅ ημων, ι̅υ̅ χ̅υ̅, 10 του αποθανοντοσ περι ημων, ινα ειτε γρηγορωμεν ειτε καθευδωμεν, αμα συν αυτω ζησωμεν. 11 διο παρακαλειτε αλληλουσ, και οικοδομειτε εισ τον ενα, καθωσ και ποιειτε.
12 ερωτωμεν δε υμασ, αδελφοι, ειδεναι τουσ κοπιωντασ εν υμιν, και προισταμενουσ υμων εν κ̅ω̅, και νουθετουντασ υμασ; 13 και ηγεισθαι αυτουσ υπερ εκ περισσου εν αγαπη, δια το εργον αυτων. ειρηνευετε εν εαυτοισ. 14 παρακαλουμεν δε υμασ, αδελφοι, νουθετειτε τουσ ατακτουσ, παραμυθεισθε τουσ ολιγοψυχουσ, αντεχεσθε των ασθενων, μακροθυμειτε προσ παντασ. 15 ορατε μη τισ κακον αντι κακου τινι αποδω, αλλα παντοτε το αγαθον διωκετε, και εισ αλληλουσ και εισ παντασ. 16 παντοτε χαιρετε. 17 αδιαλειπτωσ προσευχεσθε. 18 εν παντι ευχαριστειτε; τουτο γαρ θελημα θ̅υ̅ εν χ̅ω̅ ι̅υ̅ εισ υμασ. 19 το π̅ν̅α̅ μη σβεννυτε. 20 προφητειασ μη εξουθενειτε. 21 παντα δοκιμαζετε; το καλον κατεχετε. 22 απο παντοσ ειδουσ πονηρου απεχεσθε.
23 αυτοσ δε ο θ̅σ̅ τησ ειρηνησ αγιασαι υμασ ολοτελεισ, και ολοκληρον υμων το πνευμα, και η ψυχη, και το σωμα, αμεμπτωσ εν τη παρουσια του κ̅υ̅ ημων, ι̅υ̅ χ̅υ̅, τηρηθειη. 24 πιστοσ ο καλων υμασ, οσ και ποιησει.
25 αδελφοι, προσευχεσθε και περι ημων. 26 ασπασασθε τουσ αδελφουσ παντασ εν φιληματι αγιω. 27 ενορκιζω υμασ τον κ̅ν̅, αναγνωσθηναι την επιστολην πασιν τοισ αδελφοισ. 28 η χαρισ του κ̅υ̅ ημων, ι̅υ̅ χ̅υ̅, μεθ υμων.