תהלים
קנ
הַ֥לְﬞלוּ־יָ֨הּ ׀
הַֽלְﬞלוּ־אֵ֥ל בְּקׇדְשׁ֑וֹ
הַֽ֝לְﬞל֗וּהוּ בִּרְקִ֥יעַ עֻזּֽוֹ׃
ב הַלְﬞל֥וּהוּ בִגְבוּרֹתָ֑יו
הַ֝לְﬞל֗וּהוּ כְּרֹ֣ב גֻּדְלֽוֹ׃
ג הַ֭לְﬞלוּהוּ בְּתֵ֣קַע שׁוֹפָ֑ר
הַ֝לְﬞל֗וּהוּ בְּנֵ֣בֶל וְכִנּֽוֹר׃
ד הַ֭לְﬞלוּהוּ בְּתֹ֣ף וּמָח֑וֹל
הַֽ֝לְﬞל֗וּהוּ בְּמִנִּ֥ים וְעֻגָֽב׃
ה הַלְﬞל֥וּהוּ בְצִלְצְלֵי־שָׁ֑מַע
הַֽ֝לְﬞל֗וּהוּ בְּֽצִלְצְלֵ֥י תְרוּעָֽה׃
ו כֹּ֣ל הַ֭נְּשָׁמָה תְּהַלֵּ֥ל יָ֗הּ
הַֽלְﬞלוּ־יָֽהּ׃