1 και ηλθεν εισ εκ των επτα αγγελων των εχοντων τασ επτα φιαλασ, και ελαλησεν μετ εμου λεγων, “δευρο, δειξω σοι το κριμα τησ πορνησ τησ μεγαλησ τησ καθημενησ επι υδατων πολλων, 2 μεθ ησ επορνευσαν οι βασιλεισ τησ γησ, και εμεθυσθησαν οι κατοικουντεσ την γην εκ του οινου τησ πορνειασ αυτησ.” 3 και απηνεγκεν με εισ ερημον εν π̅ν̅ι̅. και ειδον γυναικα καθημενην επι θηριον κοκκινον, γεμοντα ονοματα βλασφημιασ, εχων κεφαλασ επτα και κερατα δεκα. 4 και η γυνη ην περιβεβλημενη πορφυρουν και κοκκινον, και κεχρυσωμενη χρυσω, και λιθω τιμιω, και μαργαριταισ, εχουσα ποτηριον χρυσουν εν τη χειρι αυτησ, γεμον βδελυγματων και τα ακαθαρτα τησ πορνειασ αυτησ, 5 και επι το μετωπον αυτησ ονομα γεγραμμενον, “μυστηριον βαβυλων η μεγαλη, η μητηρ των πορνων, και των βδελυγματων τησ γησ.” 6 και ειδον την γυναικα μεθυουσαν εκ του αιματοσ των αγιων, και εκ του αιματοσ των μαρτυρων ι̅υ̅.
και εθαυμασα, ιδων αυτην θαυμα μεγα. 7 και ειπεν μοι ο αγγελοσ, “δια τι εθαυμασασ? εγω σοι ερω το μυστηριον τησ γυναικοσ, και του θηριου του βασταζοντοσ αυτην, του εχοντοσ τασ επτα κεφαλασ και τα δεκα κερατα. 8 το θηριον ο ειδεσ ην, και ουκ εστιν, και μελλει αναβαινειν εκ τησ αβυσσου, και εισ απωλειαν υπαγει; και θαυμασονται οι κατοικουντεσ επι τησ γησ, ων ου γεγραπται τα ονοματα επι το βιβλιον τησ ζωησ απο καταβολησ κοσμου, βλεποντων το θηριον, οτι ην και ουκ εστιν και παρεσται.
9 ωδε ο νουσ ο εχων σοφιαν: αι επτα κεφαλαι επτα ορη εισιν, οπου η γυνη καθηται επ αυτων. και βασιλεισ επτα εισιν: 10 οι πεντε επεσαν, ο εισ εστιν, ο αλλοσ ουπω ηλθεν, και οταν ελθη, ολιγον αυτον δει μειναι. 11 και το θηριον ο ην, και ουκ εστιν, και αυτοσ ογδοοσ εστιν, και εκ των επτα εστιν, και εισ απωλειαν υπαγει. 12 και τα δεκα κερατα α ειδεσ, δεκα βασιλεισ εισιν, οιτινεσ βασιλειαν ουπω ελαβον, αλλα εξουσιαν ωσ βασιλεισ μιαν ωραν λαμβανουσιν μετα του θηριου. 13 ουτοι μιαν γνωμην εχουσιν, και την δυναμιν και την εξουσιαν αυτων τω θηριω διδοασιν. 14 ουτοι μετα του αρνιου πολεμησουσιν, και το αρνιον νικησει αυτουσ, οτι κ̅σ̅ κυριων εστιν και βασιλευσ βασιλεων, και οι μετ αυτου, κλητοι, και εκλεκτοι, και πιστοι.”
15 και λεγει μοι, “τα υδατα α ειδεσ, ου η πορνη καθηται, λαοι και οχλοι εισιν, και εθνη και γλωσσαι. 16 και τα δεκα κερατα α ειδεσ και το θηριον, ουτοι μισησουσι την πορνην, και ηρημωμενην ποιησουσιν αυτην και γυμνην, και τασ σαρκασ αυτησ φαγονται, και αυτην κατακαυσουσιν πυρι; 17 ο γαρ θ̅σ̅ εδωκεν εισ τασ καρδιασ αυτων ποιησαι την γνωμην αυτου, και ποιησαι μιαν γνωμην, και δουναι την βασιλειαν αυτων τω θηριω, αχρι τελεσθησονται οι λογοι του θ̅υ̅. 18 και η γυνη ην ειδεσ εστιν η πολισ η μεγαλη, η εχουσα βασιλειαν επι των βασιλεων τησ γησ.”