2 ευοδιαν παρακαλω, και συντυχην παρακαλω, το αυτο φρονειν εν κ̅ω̅. 3 ναι, ερωτω και σε, γνησιε συνζυγε, συνλαμβανου αυταισ, αιτινεσ εν τω ευαγγελιω συνηθλησαν μοι, μετα και κλημεντοσ και των λοιπων συνεργων μου, ων τα ονοματα εν βιβλω ζωησ.
4 χαιρετε εν κ̅ω̅ παντοτε, παλιν ερω, χαιρετε! 5 το επιεικεσ υμων γνωσθητω πασιν ανθρωποισ. ο κ̅σ̅ εγγυσ. 6 μηδεν μεριμνατε, αλλ εν παντι, τη προσευχη και τη δεησει μετα ευχαριστιασ, τα αιτηματα υμων γνωριζεσθω προσ τον θ̅ν̅. 7 και η ειρηνη του θ̅υ̅ η υπερεχουσα παντα νουν, φρουρησει τασ καρδιασ υμων και τα νοηματα υμων εν χ̅ω̅ ι̅υ̅.
8 το λοιπον, αδελφοι, οσα εστιν αληθη, οσα σεμνα, οσα δικαια, οσα αγνα, οσα προσφιλη, οσα ευφημα, ει τισ αρετη, και ει τισ επαινοσ, ταυτα λογιζεσθε. 9 α και εμαθετε και παρελαβετε, και ηκουσατε και ειδετε, εν εμοι, ταυτα πρασσετε; και ο θ̅σ̅ τησ ειρηνησ εσται μεθ υμων.
10 εχαρην δε εν κ̅ω̅ μεγαλωσ, οτι ηδη ποτε ανεθαλετε το υπερ εμου φρονειν; εφ ω και εφρονειτε, ηκαιρεισθε δε. 11 ουχ οτι καθ υστερησιν λεγω; εγω γαρ εμαθον εν οισ ειμι αυταρκησ ειναι. 12 οιδα και ταπεινουσθαι, οιδα και περισσευειν. εν παντι και εν πασιν μεμυημαι, και χορταζεσθαι και πειναν, και περισσευειν και υστερεισθαι. 13 παντα ισχυω εν τω ενδυναμουντι με. 14 πλην καλωσ εποιησατε, συνκοινωνησαντεσ μου τη θλιψει.
15 οιδατε δε και υμεισ, φιλιππησιοι, οτι εν αρχη του ευαγγελιου, οτε εξηλθον απο μακεδονιασ, ουδεμια μοι εκκλησια εκοινωνησεν εισ λογον δοσεωσ και λημψεωσ, ει μη υμεισ μονοι. 16 οτι και εν θεσσαλονικη, και απαξ και δισ, εισ την χρειαν μοι επεμψατε. 17 ουχ οτι επιζητω το δομα, αλλα επιζητω τον καρπον τον πλεοναζοντα εισ λογον υμων. 18 απεχω δε παντα, και περισσευω; πεπληρωμαι, δεξαμενοσ παρα επαφροδιτου τα παρ υμων, οσμην ευωδιασ, θυσιαν δεκτην, ευαρεστον τω θ̅ω̅. 19 ο δε θ̅σ̅ μου πληρωσει πασαν χρειαν υμων, κατα το πλουτοσ αυτου εν δοξη εν χ̅ω̅ ι̅υ̅. 20 τω δε θ̅ω̅ και πατρι ημων η δοξα εισ τουσ αιωνασ των αιωνων. αμην!
21 ασπασασθε παντα αγιον εν χ̅ω̅ ι̅υ̅, ασπαζονται υμασ οι συν εμοι αδελφοι, 22 ασπαζονται υμασ παντεσ οι αγιοι, μαλιστα δε οι εκ τησ καισαροσ οικιασ. 23 η χαρισ του κ̅υ̅ ι̅υ̅ χ̅υ̅ μετα του πνευματοσ υμων. αμην!