1 συνιστημι δε υμιν φοιβην, την αδελφην ημων, ουσαν και διακονον τησ εκκλησιασ τησ εν κενχρεαισ, 2 ινα αυτην προσδεξησθε εν κ̅ω̅ αξιωσ των αγιων, και παραστητε αυτη εν ω αν υμων χρηζη πραγματι; και γαρ αυτη προστατισ πολλων εγενηθη και εμου αυτου.
3 ασπασασθε πρισκαν και ακυλαν, τουσ συνεργουσ μου εν χ̅ω̅ ι̅υ̅, 4 οιτινεσ υπερ τησ ψυχησ μου, τον εαυτων τραχηλον υπεθηκαν, οισ ουκ εγω μονοσ ευχαριστω, αλλα και πασαι αι εκκλησιαι των εθνων, 5 και την κατ οικον αυτων εκκλησιαν. ασπασασθε επαινετον, τον αγαπητον μου, οσ εστιν απαρχη τησ ασιασ εισ χ̅ν̅. 6 ασπασασθε μαριαν, ητισ πολλα εκοπιασεν εισ υμασ. 7 ασπασασθε ανδρονικον και ιουνιαν, τουσ συγγενεισ μου και συναιχμαλωτουσ μου, οιτινεσ εισιν επισημοι εν τοισ αποστολοισ, οι και προ εμου γεγοναν εν χ̅ω̅. 8 ασπασασθε αμπλιατον, τον αγαπητον μου εν κ̅ω̅. 9 ασπασασθε ουρβανον, τον συνεργον ημων εν χ̅ω̅, και σταχυν τον αγαπητον μου. 10 ασπασασθε απελλην, τον δοκιμον εν χ̅ω̅. ασπασασθε τουσ εκ των αριστοβουλου. 11 ασπασασθε ηρωδιωνα, τον συγγενη μου. ασπασασθε τουσ εκ των ναρκισσου τουσ οντασ εν κ̅ω̅. 12 ασπασασθε τρυφαιναν και τρυφωσαν, τασ κοπιωσασ εν κ̅ω̅. ασπασασθε περσιδα, την αγαπητην, ητισ πολλα εκοπιασεν εν κ̅ω̅. 13 ασπασασθε ρουφον, τον εκλεκτον εν κ̅ω̅, και την μητερα αυτου και εμου. 14 ασπασασθε ασυγκριτον, φλεγοντα, ερμην, πατροβαν, ερμαν, και τουσ συν αυτοισ αδελφουσ. 15 ασπασασθε φιλολογον και ιουλιαν, νηρεα και την αδελφην αυτου, και ολυμπαν, και τουσ συν αυτοισ παντασ αγιουσ. 16 ασπασασθε αλληλουσ εν φιληματι αγιω. ασπαζονται υμασ αι εκκλησιαι πασαι του χ̅υ̅.
17 παρακαλω δε υμασ, αδελφοι, σκοπειν τουσ τασ διχοστασιασ και τα σκανδαλα παρα την διδαχην ην υμεισ εμαθετε ποιουντασ, και εκκλινετε απ αυτων. 18 οι γαρ τοιουτοι τω κ̅ω̅ ημων χ̅ω̅ ου δουλευουσιν, αλλα τη εαυτων κοιλια; και δια τησ χρηστολογιασ και ευλογιασ, εξαπατωσι τασ καρδιασ των ακακων. 19 η γαρ υμων υπακοη, εισ παντασ αφικετο. εφ υμιν ουν χαιρω, θελω δε υμασ σοφουσ ειναι εισ το αγαθον, ακεραιουσ δε εισ το κακον. 20 ο δε θ̅σ̅ τησ ειρηνησ συντριψει τον σαταναν υπο τουσ ποδασ υμων εν ταχει. η χαρισ του κ̅υ̅ ημων, ι̅υ̅ χ̅υ̅, μεθ υμων.
21 ασπαζεται υμασ τιμοθεοσ, ο συνεργοσ μου, και λουκιοσ, και ιασων, και σωσιπατροσ, οι συγγενεισ μου. 22 ασπαζομαι υμασ εγω, τερτιοσ, ο γραψασ την επιστολην, εν κ̅ω̅. 23 ασπαζεται υμασ γαιοσ, ο ξενοσ μου, και ολησ τησ εκκλησιασ. ασπαζεται υμασ εραστοσ, ο οικονομοσ τησ πολεωσ, και κουαρτοσ ο αδελφοσ.
25 τω δε δυναμενω υμασ στηριξαι, κατα το ευαγγελιον μου, και το κηρυγμα ι̅υ̅ χ̅υ̅ κατα αποκαλυψιν μυστηριου χρονοισ αιωνιοισ σεσιγημενου, 26 φανερωθεντοσ δε νυν δια τε γραφων προφητικων, κατ επιταγην του αιωνιου θ̅υ̅ εισ υπακοην πιστεωσ, εισ παντα τα εθνη γνωρισθεντοσ. 27 μονω σοφω θ̅ω̅ δια ι̅υ̅ χ̅υ̅, ω η δοξα εισ τουσ αιωνασ. αμην!