1 και εδοθη μοι καλαμοσ ομοιοσ ραβδω λεγων, “εγειρε, και μετρησον τον ναον του θ̅υ̅, και το θυσιαστηριον, και τουσ προσκυνουντασ εν αυτω. 2 και την αυλην την εξωθεν του ναου, εκβαλε εξω και μη αυτην μετρησησ, οτι εδοθη τοισ εθνεσιν, και την πολιν την αγιαν πατησουσιν μηνασ τεσσερακοντα δυο. 3 και δωσω τοισ δυσιν μαρτυσιν μου, και προφητευσουσιν ημερασ χιλιασ διακοσιασ εξηκοντα, περιβεβλημενοι σακκουσ.”
4 ουτοι εισιν αι δυο ελαιαι και αι δυο λυχνιαι, αι ενωπιον του κ̅υ̅ τησ γησ εστωτεσ. 5 και ει τισ αυτουσ θελει αδικησαι, πυρ εκπορευεται εκ του στοματοσ αυτων, και κατεσθιει τουσ εχθρουσ αυτων. και ει τισ θεληση αυτουσ αδικησαι, ουτωσ δει αυτον αποκτανθηναι. 6 ουτοι εχουσιν την εξουσιαν κλεισαι τον ουρανον, ινα μη υετοσ βρεχη τασ ημερασ τησ προφητειασ αυτων, και εξουσιαν εχουσιν επι των υδατων, στρεφειν αυτα εισ αιμα, και παταξαι την γην εν παση πληγη, οσακισ εαν θελησωσιν.
7 και οταν τελεσωσιν την μαρτυριαν αυτων, το θηριον το αναβαινον εκ τησ αβυσσου ποιησει μετ αυτων πολεμον, και νικησει αυτουσ, και αποκτενει αυτουσ. 8 και τα πτωματα αυτων επι τησ πλατειασ τησ πολεωσ τησ μεγαλησ, ητισ καλειται πνευματικωσ, σοδομα και αιγυπτοσ, οπου και ο κ̅σ̅ αυτων εσταυρωθη. 9 και βλεπουσιν εκ των λαων, και φυλων, και γλωσσων, και εθνων, το πτωμα αυτων ημερασ τρεισ και ημισυ, και τα πτωματα αυτων ουκ αφιουσιν τεθηναι εισ μνημα. 10 και οι κατοικουντεσ επι τησ γησ χαιρουσιν επ αυτοισ, και ευφραινονται, και δωρα πεμψουσιν αλληλοισ, οτι ουτοι οι δυο προφηται εβασανισαν τουσ κατοικουντασ επι τησ γησ.
11 και μετα τασ τρεισ ημερασ και ημισυ, πνευμα ζωησ εκ του θ̅υ̅ εισηλθεν εισ αυτουσ, και εστησαν επι τουσ ποδασ αυτων, και φοβοσ μεγασ επεπεσεν επι τουσ θεωρουντασ αυτουσ. 12 και ηκουσαν φωνησ μεγαλησ εκ του ουρανου, λεγουσησ αυτοισ, “αναβατε ωδε”; και ανεβησαν εισ τον ουρανον εν τη νεφελη, και εθεωρησαν αυτουσ οι εχθροι αυτων. 13 και εν εκεινη τη ωρα εγενετο σεισμοσ μεγασ, και το δεκατον τησ πολεωσ επεσεν, και απεκτανθησαν εν τω σεισμω, ονοματα ανθρωπων χιλιαδεσ επτα, και οι λοιποι εμφοβοι εγενοντο, και εδωκαν δοξαν τω θ̅ω̅ του ουρανου.
14 η ουαι η δευτερα απηλθεν; ιδου, η ουαι η τριτη ερχεται ταχυ.
15 και ο εβδομοσ αγγελοσ εσαλπισεν, και εγενοντο φωναι μεγαλαι εν τω ουρανω λεγουσαι, “εγενετο η βασιλεια του κοσμου του κ̅υ̅ ημων και του χ̅υ̅ αυτου, και βασιλευσει εισ τουσ αιωνασ των αιωνων.”
16 και οι εικοσι τεσσαρεσ πρεσβυτεροι οι ενωπιον του θ̅υ̅ καθημενοι επι τουσ θρονουσ αυτων, επεσαν επι τα προσωπα αυτων, και προσεκυνησαν τω θ̅ω̅ 17 λεγοντεσ, “ευχαριστουμεν σοι, κ̅ε̅ ο θ̅σ̅ ο παντοκρατωρ, ο ων, και ο ην, και οτι ειληφασ την δυναμιν σου την μεγαλην, και εβασιλευσασ. 18 και τα εθνη ωργισθησαν, και ηλθεν η οργη σου, και ο καιροσ των νεκρων κριθηναι, και δουναι τον μισθον τοισ δουλοισ σου, τοισ προφηταισ, και τοισ αγιοισ, και τοισ φοβουμενοισ το ονομα σου, τουσ μικρουσ και τουσ μεγαλουσ, και διαφθειραι τουσ διαφθειροντασ την γην.”
19 και ηνοιγη ο ναοσ του θ̅υ̅ ο εν τω ουρανω, και ωφθη η κιβωτοσ τησ διαθηκησ του κ̅υ̅ εν τω ναω αυτου, και εγενοντο αστραπαι, και φωναι, και βρονται, και σεισμοσ, και χαλαζα μεγαλη.