1 και ευθυσ πρωι, συμβουλιον ποιησαντεσ οι αρχιερεισ, μετα των πρεσβυτερων και γραμματεων, και ολον το συνεδριον, δησαντεσ τον ι̅ν̅, απηνεγκαν και παρεδωκαν πειλατω. 2 και επηρωτησεν αυτον ο πειλατοσ, “συ ει ο βασιλευσ των ιουδαιων?” ο δε αποκριθεισ αυτω λεγει, “συ λεγεισ.” 3 και κατηγορουν αυτου οι αρχιερεισ πολλα. 4 ο δε πειλατοσ παλιν επηρωτα αυτον λεγων, “ουκ αποκρινη ουδεν? ιδε, ποσα σου κατηγορουσιν!” 5 ο δε ι̅σ̅ ουκετι ουδεν απεκριθη, ωστε θαυμαζειν τον πειλατον.
6 κατα δε εορτην, απελυεν αυτοισ ενα δεσμιον, ον παρητουντο. 7 ην δε ο λεγομενοσ βαραββασ, μετα των στασιαστων δεδεμενοσ, οιτινεσ εν τη στασει φονον πεποιηκεισαν. 8 και αναβασ, ο οχλοσ ηρξατο αιτεισθαι καθωσ εποιει αυτοισ. 9 ο δε πειλατοσ απεκριθη αυτοισ λεγων, “θελετε απολυσω υμιν τον βασιλεα των ιουδαιων?” 10 εγινωσκεν γαρ οτι δια φθονον παραδεδωκεισαν αυτον οι αρχιερεισ. 11 οι δε αρχιερεισ ανεσεισαν τον οχλον, ινα μαλλον τον βαραββαν απολυση αυτοισ. 12 ο δε πειλατοσ παλιν αποκριθεισ ελεγεν αυτοισ, “τι ουν ποιησω λεγετε τον βασιλεα των ιουδαιων?” 13 οι δε παλιν εκραξαν, “σταυρωσον αυτον!” 14 ο δε πειλατοσ ελεγεν αυτοισ, “τι γαρ κακον εποιησεν?” οι δε περισσωσ εκραξαν, “σταυρωσον αυτον!” 15 ο δε πειλατοσ βουλομενοσ τω οχλω το ικανον ποιησαι, απελυσεν αυτοισ τον βαραββαν, και παρεδωκεν τον ι̅ν̅ φραγελλωσασ, ινα σταυρωθη.
16 οι δε στρατιωται απηγαγον αυτον εσω τησ αυλησ, ο εστιν πραιτωριον, και συνκαλουσιν ολην την σπειραν. 17 και ενδιδυσκουσιν αυτον πορφυραν, και περιτιθεασιν αυτω πλεξαντεσ ακανθινον στεφανον; 18 και ηρξαντο ασπαζεσθαι αυτον, “χαιρε, βασιλευ των ιουδαιων!” 19 και ετυπτον αυτου την κεφαλην καλαμω, και ενεπτυον αυτω; και τιθεντεσ τα γονατα, προσεκυνουν αυτω. 20 και οτε ενεπαιξαν αυτω, εξεδυσαν αυτον την πορφυραν, και ενεδυσαν αυτον τα ιματια αυτου. και εξαγουσιν αυτον, ινα σταυρωσωσιν αυτον.
21 και αγγαρευουσιν, παραγοντα τινα σιμωνα κυρηναιον, ερχομενον απ αγρου, τον πατερα αλεξανδρου και ρουφου, ινα αρη τον σταυρον αυτου. 22 και φερουσιν αυτον επι τον γολγοθαν, τοπον ο εστιν μεθερμηνευομενον, “κρανιου τοποσ”. 23 και εδιδουν αυτω, εσμυρνισμενον οινον; οσ δε ουκ ελαβεν. 24 και σταυρωσαντεσ αυτον, και διαμεριζονται τα ιματια αυτου, βαλλοντεσ κληρον επ αυτα, τισ τι αρη.
25 ην δε ωρα τριτη, και εσταυρωσαν αυτον. 26 και ην η επιγραφη τησ αιτιασ αυτου επιγεγραμμενη, “ο βασιλευσ των ιουδαιων.” 27 και συν αυτω σταυρουσιν δυο ληστασ, ενα εκ δεξιων και ενα εξ ευωνυμων αυτου. 29 και οι παραπορευομενοι εβλασφημουν αυτον, κινουντεσ τασ κεφαλασ αυτων, και λεγοντεσ, “ουα, ο καταλυων τον ναον και οικοδομων εν τρισιν ημεραισ, 30 σωσον σεαυτον, καταβασ απο του σταυρου!” 31 ομοιωσ και οι αρχιερεισ, εμπαιζοντεσ προσ αλληλουσ μετα των γραμματεων ελεγον, “αλλουσ εσωσεν, εαυτον ου δυναται σωσαι. 32 ο χ̅σ̅, ο βασιλευσ ισραηλ καταβατω νυν απο του σταυρου, ινα ιδωμεν και πιστευσωμεν!” και οι συνεσταυρωμενοι συν αυτω ωνειδιζον αυτον.
33 και γενομενησ ωρασ εκτησ, σκοτοσ εγενετο εφ ολην την γην, εωσ ωρασ ενατησ. 34 και τη ενατη ωρα, εβοησεν ο ι̅σ̅ φωνη μεγαλη, “ελωι, ελωι, λεμα σαβαχθανει?” ο εστιν μεθερμηνευομενον, “ο θ̅σ̅ μου, ο θ̅σ̅ μου, εισ τι εγκατελιπεσ με?” 35 και τινεσ των παρεστηκοτων, ακουσαντεσ ελεγον, “ιδε, ηλειαν φωνει.” 36 δραμων δε τισ, και γεμισασ σπογγον οξουσ περιθεισ καλαμω, εποτιζεν αυτον λεγων, “αφετε, ιδωμεν ει ερχεται ηλειασ καθελειν αυτον.” 37 ο δε ι̅σ̅ αφεισ φωνην μεγαλην, εξεπνευσεν. 38 και το καταπετασμα του ναου εσχισθη εισ δυο, απ ανωθεν εωσ κατω. 39 ιδων δε ο κεντυριων ο παρεστηκωσ εξ εναντιασ αυτου οτι ουτωσ εξεπνευσεν ειπεν, “αληθωσ ουτοσ ο ανθρωποσ υιοσ θ̅υ̅ ην!”
40 ησαν δε και γυναικεσ απο μακροθεν θεωρουσαι, εν αισ και μαριαμ η μαγδαληνη, και μαρια η ιακωβου του μικρου και ιωση μητηρ, και σαλωμη, 41 αι οτε ην εν τη γαλιλαια ηκολουθουν αυτω και διηκονουν αυτω, και αλλαι πολλαι αι συναναβασαι αυτω εισ ιεροσολυμα.
42 και ηδη οψιασ γενομενησ, επει ην παρασκευη, ο εστιν προσαββατον, 43 ελθων ιωσηφ ο απο αριμαθαιασ, ευσχημων βουλευτησ, οσ και αυτοσ ην προσδεχομενοσ την βασιλειαν του θ̅υ̅; τολμησασ, εισηλθεν προσ τον πειλατον και ητησατο το σωμα του ι̅υ̅. 44 ο δε πειλατοσ εθαυμασεν ει ηδη τεθνηκεν; και προσκαλεσαμενοσ τον κεντυριωνα, επηρωτησεν αυτον ει παλαι απεθανεν. 45 και γνουσ απο του κεντυριωνοσ, εδωρησατο το πτωμα τω ιωσηφ. 46 και αγορασασ σινδονα, καθελων αυτον, ενειλησεν τη σινδονι, και εθηκεν αυτον εν μνηματι ο ην λελατομημενον εκ πετρασ; και προσεκυλισεν λιθον επι την θυραν του μνημειου. 47 η δε μαρια η μαγδαληνη, και μαρια η ιωσητοσ, εθεωρουν που τεθειται.