1 εν ετει δε πεντεκαιδεκατω τησ ηγεμονιασ τιβεριου καισαροσ, ηγεμονευοντοσ ποντιου πειλατου τησ ιουδαιασ, και τετραρχουντοσ τησ γαλιλαιασ ηρωδου, φιλιππου δε του αδελφου αυτου τετραρχουντοσ τησ ιτουραιασ και τραχωνιτιδοσ χωρασ, και λυσανιου τησ αβειληνησ τετραρχουντοσ, 2 επι αρχιερεωσ αννα και καιαφα, εγενετο ρημα θ̅υ̅ επι ιωαννην, τον ζαχαριου υιον, εν τη ερημω. 3 και ηλθεν εισ πασαν περιχωρον του ιορδανου, κηρυσσων βαπτισμα μετανοιασ εισ αφεσιν αμαρτιων; 4 ωσ γεγραπται εν βιβλω λογων ησαιου του προφητου, “φωνη βοωντοσ εν τη ερημω: ‘ετοιμασατε την οδον κ̅υ̅; ευθειασ ποιειτε τασ τριβουσ αυτου. 5 πασα φαραγξ πληρωθησεται, και παν οροσ και βουνοσ ταπεινωθησεται; και εσται τα σκολια εισ ευθειαν, και αι τραχειαι εισ οδουσ λειασ; 6 και οψεται πασα σαρξ το σωτηριον του θ̅υ̅.’”
7 ελεγεν ουν τοισ εκπορευομενοισ οχλοισ βαπτισθηναι υπ αυτου, “γεννηματα εχιδνων, τισ υπεδειξεν υμιν φυγειν απο τησ μελλουσησ οργησ? 8 ποιησατε ουν καρπουσ αξιουσ τησ μετανοιασ; και μη αρξησθε λεγειν εν εαυτοισ, ‘πατερα εχομεν τον αβρααμ’; λεγω γαρ υμιν οτι δυναται ο θ̅σ̅ εκ των λιθων τουτων εγειραι τεκνα τω αβρααμ. 9 ηδη δε και η αξινη προσ την ριζαν των δενδρων κειται; παν ουν δενδρον μη ποιουν καρπον καλον, εκκοπτεται και εισ πυρ βαλλεται.”
10 και επηρωτων αυτον οι οχλοι λεγοντεσ, “τι ουν ποιησωμεν?” 11 αποκριθεισ δε ελεγεν αυτοισ, “ο εχων δυο χιτωνασ, μεταδοτω τω μη εχοντι; και ο εχων βρωματα, ομοιωσ ποιειτω.” 12 ηλθον δε και τελωναι βαπτισθηναι, και ειπον προσ αυτον, “διδασκαλε, τι ποιησωμεν?” 13 ο δε ειπεν προσ αυτουσ, “μηδεν πλεον παρα το διατεταγμενον υμιν πρασσετε.” 14 επηρωτων δε αυτον και στρατευομενοι λεγοντεσ, “τι ποιησωμεν και ημεισ?” και ειπεν αυτοισ, “μηδενα διασεισητε μηδε συκοφαντησητε, και αρκεισθε τοισ οψωνιοισ υμων.”
15 προσδοκωντοσ δε του λαου και διαλογιζομενων παντων εν ταισ καρδιαισ αυτων περι του ιωαννου, μηποτε αυτοσ ειη ο χ̅σ̅, 16 απεκρινατο λεγων πασιν ο ιωαννησ, “εγω μεν υδατι βαπτιζω υμασ, ερχεται δε ο ισχυροτεροσ μου, ου ουκ ειμι ικανοσ λυσαι τον ιμαντα των υποδηματων αυτου; αυτοσ υμασ βαπτισει εν π̅ν̅ι̅ αγιω, και πυρι; 17 ου το πτυον εν τη χειρι αυτου διακαθαραι την αλωνα αυτου, και συναγαγειν τον σιτον εισ την αποθηκην αυτου, το δε αχυρον κατακαυσει πυρι ασβεστω.”
18 πολλα μεν ουν και ετερα παρακαλων, ευηγγελιζετο τον λαον. 19 ο δε ηρωδησ ο τετραρχησ, ελεγχομενοσ υπ αυτου περι ηρωδιαδοσ, τησ γυναικοσ του αδελφου αυτου, και περι παντων ων εποιησεν πονηρων ο ηρωδησ, 20 προσεθηκεν και τουτο επι πασιν: κατεκλεισεν τον ιωαννην εν φυλακη.
21 εγενετο δε εν τω βαπτισθηναι απαντα τον λαον, και ι̅υ̅ βαπτισθεντοσ, και προσευχομενου ανεωχθηναι τον ουρανον, 22 και καταβηναι το π̅ν̅α̅ το αγιον σωματικω ειδει, ωσ περιστεραν επ αυτον, και φωνην εξ ουρανου γενεσθαι: “συ ει ο υιοσ μου ο αγαπητοσ; εν σοι ευδοκησα.”
23 και αυτοσ ην ι̅σ̅ αρχομενοσ ωσει ετων τριακοντα, ων υιοσ, ωσ ενομιζετο, ιωσηφ, του ηλει, 24 του μαθθατ, του λευει, του μελχει, του ιανναι, του ιωσηφ, 25 του ματταθιου, του αμωσ, του ναουμ, του εσλει, του ναγγαι, 26 του μααθ, του ματταθιου, του σεμεειν, του ιωσηχ, του ιωδα, 27 του ιωαναν, του ρησα, του ζοροβαβελ, του σαλαθιηλ, του νηρει, 28 του μελχει, του αδδει, του κωσαμ, του ελμαδαμ, του ηρ, 29 του ιησου, του ελιεζερ, του ιωρειμ, του μαθθατ, του λευει, 30 του συμεων, του ιουδα, του ιωσηφ, του ιωναμ, του ελιακειμ, 31 του μελεα, του μεννα, του ματταθα, του ναθαμ, του δαυειδ, 32 του ιεσσαι, του ιωβηλ, του βοοσ, του σαλα, του ναασσων, 33 του αμιναδαβ, του αδμειν, του αρνει, του εσρωμ, του φαρεσ, του ιουδα, 34 του ιακωβ, του ισαακ, του αβρααμ, του θαρα, του ναχωρ, 35 του σερουχ, του ραγαυ, του φαλεκ, του εβερ, του σαλα, 36 του καιναμ, του αρφαξαδ, του σημ, του νωε, του λαμεχ, 37 του μαθουσαλα, του ενωχ, του ιαρετ, του μαλελεηλ, του καιναμ, 38 του ενωσ, του σηθ, του αδαμ, του θ̅υ̅.