κατα ιωαννην 2

1 και τη ημερα τη τριτη γαμοσ εγενετο εν κανα τησ γαλιλαιασ, και ην η μητηρ του ι̅υ̅ εκει. 2 εκληθη δε και ο ι̅σ̅ και οι μαθηται αυτου εισ τον γαμον. 3 και υστερησαντοσ οινου, λεγει η μητηρ του ι̅υ̅ προσ αυτον, “οινον ουκ εχουσιν.” 4 και λεγει αυτη ο ι̅σ̅, “τι εμοι και σοι, γυναι? ουπω ηκει η ωρα μου.” 5 λεγει η μητηρ αυτου τοισ διακονοισ, “ο τι αν λεγη υμιν ποιησατε.” 6 ησαν δε εκει λιθιναι υδριαι εξ κατα τον καθαρισμον των ιουδαιων κειμεναι, χωρουσαι ανα μετρητασ δυο η τρεισ. 7 λεγει αυτοισ ο ι̅σ̅, “γεμισατε τασ υδριασ υδατοσ.” και εγεμισαν αυτασ εωσ ανω. 8 και λεγει αυτοισ, “αντλησατε νυν και φερετε τω αρχιτρικλινω.” οι δε ηνεγκαν. 9 ωσ δε εγευσατο ο αρχιτρικλινοσ το υδωρ οινον γεγενημενον, και ουκ ηδει ποθεν εστιν, οι δε διακονοι ηδεισαν, οι ηντληκοτεσ το υδωρ, φωνει τον νυμφιον ο αρχιτρικλινοσ 10 και λεγει αυτω, “πασ ανθρωποσ πρωτον τον καλον οινον τιθησιν, και οταν μεθυσθωσιν τον ελασσω; συ τετηρηκασ τον καλον οινον εωσ αρτι.” 11 ταυτην εποιησεν αρχην των σημειων ο ι̅σ̅ εν κανα τησ γαλιλαιασ, και εφανερωσεν την δοξαν αυτου; και επιστευσαν εισ αυτον οι μαθηται αυτου.

12 μετα τουτο κατεβη εισ καφαρναουμ, αυτοσ και η μητηρ αυτου, και οι αδελφοι και οι μαθηται αυτου, και εκει εμειναν ου πολλασ ημερασ.

13 και εγγυσ ην το πασχα των ιουδαιων, και ανεβη εισ ιεροσολυμα ο ι̅σ̅. 14 και ευρεν εν τω ιερω τουσ πωλουντασ βοασ και προβατα και περιστερασ, και τουσ κερματιστασ καθημενουσ. 15 και ποιησασ φραγελλιον εκ σχοινιων, παντασ εξεβαλεν εκ του ιερου, τα τε προβατα και τουσ βοασ; και των κολλυβιστων εξεχεεν τα κερματα, και τασ τραπεζασ ανετρεψεν. 16 και τοισ τασ περιστερασ πωλουσιν ειπεν, “αρατε ταυτα εντευθεν; μη ποιειτε τον οικον του πατροσ μου οικον εμποριου.” 17 εμνησθησαν οι μαθηται αυτου οτι γεγραμμενον εστιν, “ο ζηλοσ του οικου σου καταφαγεται με.” 18 απεκριθησαν ουν οι ιουδαιοι και ειπαν αυτω, “τι σημειον δεικνυεισ ημιν, οτι ταυτα ποιεισ?” 19 απεκριθη ι̅σ̅ και ειπεν αυτοισ, “λυσατε τον ναον τουτον, και εν τρισιν ημεραισ εγερω αυτον.” 20 ειπαν ουν οι ιουδαιοι, “τεσσερακοντα και εξ ετεσιν οικοδομηθη ο ναοσ ουτοσ, και συ εν τρισιν ημεραισ εγερεισ αυτον?” 21 εκεινοσ δε ελεγεν περι του ναου του σωματοσ αυτου. 22 οτε ουν ηγερθη εκ νεκρων, εμνησθησαν οι μαθηται αυτου οτι τουτο ελεγεν, και επιστευσαν τη γραφη και τω λογω ον ειπεν ο ι̅σ̅.

23 ωσ δε ην εν τοισ ιεροσολυμοισ εν τω πασχα εν τη εορτη, πολλοι επιστευσαν εισ το ονομα αυτου, θεωρουντεσ αυτου τα σημεια α εποιει. 24 αυτοσ δε ι̅σ̅ ουκ επιστευεν αυτον αυτοισ, δια το αυτον γινωσκειν παντασ. 25 και οτι ου χρειαν ειχεν ινα τισ μαρτυρηση περι του ανθρωπου; αυτοσ γαρ εγινωσκεν τι ην εν τω ανθρωπω.