1 παυλοσ αποστολοσ χ̅υ̅ ι̅υ̅ δια θεληματοσ θ̅υ̅, και τιμοθεοσ ο αδελφοσ; 2 τοισ εν κολοσσαισ αγιοισ, και πιστοισ αδελφοισ εν χ̅ω̅: χαρισ υμιν και ειρηνη απο θ̅υ̅ πατροσ ημων και κ̅υ̅ ι̅υ̅ χ̅υ̅.
3 ευχαριστουμεν τω θ̅ω̅ πατρι του κ̅υ̅ ημων ι̅υ̅ χ̅υ̅, παντοτε περι υμων προσευχομενοι, 4 ακουσαντεσ την πιστιν υμων εν χ̅ω̅ ι̅υ̅, και την αγαπην ην εχετε εισ παντασ τουσ αγιουσ, 5 δια την ελπιδα την αποκειμενην υμιν εν τοισ ουρανοισ, ην προηκουσατε εν τω λογω τησ αληθειασ, του ευαγγελιου, 6 του παροντοσ εισ υμασ, καθωσ και εν παντι τω κοσμω, εστιν καρποφορουμενον και αυξανομενον, καθωσ και εν υμιν, αφ ησ ημερασ ηκουσατε και επεγνωτε την χαριν του θ̅υ̅ εν αληθεια; 7 καθωσ εμαθετε απο επαφρα, του αγαπητου συνδουλου ημων, οσ εστιν πιστοσ υπερ ημων διακονοσ του χ̅υ̅, 8 ο και δηλωσασ ημιν την υμων αγαπην εν π̅ν̅ι̅.
9 δια τουτο και ημεισ, αφ ησ ημερασ ηκουσαμεν, ου παυομεθα υπερ υμων προσευχομενοι και αιτουμενοι, ινα πληρωθητε την επιγνωσιν του θεληματοσ αυτου εν παση σοφια και συνεσει πνευματικη, 10 περιπατησαι αξιωσ του κ̅υ̅ εισ πασαν αρεσκειαν, εν παντι εργω αγαθω καρποφορουντεσ, και αυξανομενοι τη επιγνωσει του θ̅υ̅; 11 εν παση δυναμει δυναμουμενοι, κατα το κρατοσ τησ δοξησ αυτου, εισ πασαν υπομονην και μακροθυμιαν μετα χαρασ; 12 ευχαριστουντεσ τω πατρι, τω ικανωσαντι υμασ εισ την μεριδα του κληρου των αγιων εν τω φωτι, 13 οσ ερρυσατο ημασ εκ τησ εξουσιασ του σκοτουσ, και μετεστησεν εισ την βασιλειαν του υιου τησ αγαπησ αυτου, 14 εν ω εχομεν την απολυτρωσιν, την αφεσιν των αμαρτιων; 15 οσ εστιν εικων του θ̅υ̅ του αορατου, πρωτοτοκοσ πασησ κτισεωσ; 16 οτι εν αυτω εκτισθη τα παντα εν τοισ ουρανοισ και επι τησ γησ, τα ορατα και τα αορατα, ειτε θρονοι, ειτε κυριοτητεσ, ειτε αρχαι, ειτε εξουσιαι; τα παντα δι αυτου και εισ αυτον εκτισται. 17 και αυτοσ εστιν προ παντων, και τα παντα εν αυτω συνεστηκεν. 18 και αυτοσ εστιν η κεφαλη του σωματοσ, τησ εκκλησιασ, οσ εστιν η αρχη, πρωτοτοκοσ εκ των νεκρων, ινα γενηται εν πασιν αυτοσ πρωτευων; 19 οτι εν αυτω ευδοκησεν παν το πληρωμα κατοικησαι, 20 και δι αυτου αποκαταλλαξαι τα παντα εισ αυτον, ειρηνοποιησασ δια του αιματοσ του σταυρου αυτου δι αυτου, ειτε τα επι τησ γησ, ειτε τα εν τοισ ουρανοισ. 21 και υμασ ποτε οντασ απηλλοτριωμενουσ και εχθρουσ τη διανοια εν τοισ εργοισ τοισ πονηροισ, 22 νυνι δε αποκατηλλαγητε εν τω σωματι τησ σαρκοσ αυτου, δια του θανατου, παραστησαι υμασ αγιουσ, και αμωμουσ, και ανεγκλητουσ, κατενωπιον αυτου 23 ει γε επιμενετε τη πιστει, τεθεμελιωμενοι και εδραιοι, και μη μετακινουμενοι απο τησ ελπιδοσ του ευαγγελιου ου ηκουσατε, του κηρυχθεντοσ εν παση κτισει τη υπο τον ουρανον, ου εγενομην εγω παυλοσ διακονοσ.
24 νυν χαιρω εν τοισ παθημασιν υπερ υμων, και ανταναπληρω τα υστερηματα των θλιψεων του χ̅υ̅ εν τη σαρκι μου υπερ του σωματοσ αυτου, ο εστιν η εκκλησια; 25 ησ εγενομην εγω διακονοσ, κατα την οικονομιαν του θ̅υ̅, την δοθεισαν μοι εισ υμασ πληρωσαι τον λογον του θ̅υ̅, 26 το μυστηριον το αποκεκρυμμενον απο των αιωνων και απο των γενεων, νυν δε εφανερωθη τοισ αγιοισ αυτου, 27 οισ ηθελησεν ο θ̅σ̅, γνωρισαι τι το πλουτοσ τησ δοξησ του μυστηριου τουτου εν τοισ εθνεσιν, ο εστιν χ̅σ̅ εν υμιν, η ελπισ τησ δοξησ; 28 ον ημεισ καταγγελλομεν, νουθετουντεσ παντα ανθρωπον και διδασκοντεσ παντα ανθρωπον εν παση σοφια, ινα παραστησωμεν παντα ανθρωπον τελειον εν χ̅ω̅. 29 εισ ο και κοπιω, αγωνιζομενοσ κατα την ενεργειαν αυτου, την ενεργουμενην εν εμοι εν δυναμει.