1 διαμαρτυρομαι ενωπιον του θ̅υ̅ και χ̅υ̅ ι̅υ̅, του μελλοντοσ κρινειν ζωντασ και νεκρουσ, και την επιφανειαν αυτου, και την βασιλειαν αυτου: 2 κηρυξον τον λογον; επιστηθι ευκαιρωσ, ακαιρωσ; ελεγξον, επιτιμησον, παρακαλεσον, εν παση μακροθυμια και διδαχη. 3 εσται γαρ καιροσ οτε τησ υγιαινουσησ διδασκαλιασ ουκ ανεξονται, αλλα κατα τασ ιδιασ επιθυμιασ, εαυτοισ επισωρευσουσιν διδασκαλουσ, κνηθομενοι την ακοην; 4 και απο μεν τησ αληθειασ την ακοην αποστρεψουσιν, επι δε τουσ μυθουσ εκτραπησονται. 5 συ δε νηφε εν πασιν, κακοπαθησον, εργον ποιησον ευαγγελιστου, την διακονιαν σου πληροφορησον.
6 εγω γαρ ηδη σπενδομαι, και ο καιροσ τησ αναλυσεωσ μου εφεστηκεν. 7 τον καλον αγωνα ηγωνισμαι, τον δρομον τετελεκα, την πιστιν τετηρηκα. 8 λοιπον αποκειται μοι ο τησ δικαιοσυνησ στεφανοσ, ον αποδωσει μοι ο κ̅σ̅ εν, εκεινη τη ημερα, ο δικαιοσ κριτησ; ου μονον δε εμοι, αλλα και πασιν τοισ ηγαπηκοσι την επιφανειαν αυτου.
9 σπουδασον ελθειν προσ με ταχεωσ; 10 δημασ γαρ με εγκατελιπεν, αγαπησασ τον νυν αιωνα, και επορευθη εισ θεσσαλονικην, κρησκησ εισ γαλατιαν, τιτοσ εισ δαλματιαν; 11 λουκασ εστιν μονοσ μετ εμου. μαρκον αναλαβων, αγε μετα σεαυτου, εστιν γαρ μοι ευχρηστοσ εισ διακονιαν. 12 τυχικον δε απεστειλα εισ εφεσον. 13 τον φελονην ον απελιπον εν τρωαδι παρα καρπω, ερχομενοσ φερε, και τα βιβλια, μαλιστα τασ μεμβρανασ. 14 αλεξανδροσ ο χαλκευσ, πολλα μοι κακα ενεδειξατο; αποδωσει αυτω ο κ̅σ̅ κατα τα εργα αυτου; 15 ον και συ φυλασσου, λιαν γαρ αντεστη τοισ ημετεροισ λογοισ.
16 εν τη πρωτη μου απολογια, ουδεισ μοι παρεγενετο, αλλα παντεσ με ενκατελιπον; μη αυτοισ λογισθειη. 17 ο δε κ̅σ̅ μοι παρεστη, και ενεδυναμωσεν με, ινα δι εμου το κηρυγμα πληροφορηθη, και ακουσωσιν παντα τα εθνη; και ερυσθην εκ στοματοσ λεοντοσ. 18 ρυσεται με ο κ̅σ̅ απο παντοσ εργου πονηρου, και σωσει εισ την βασιλειαν αυτου την επουρανιον; ω η δοξα εισ τουσ αιωνασ των αιωνων. αμην!
19 ασπασαι πρισκαν και ακυλαν, και τον ονησιφορου οικον. 20 εραστοσ εμεινεν εν κορινθω, τροφιμον δε απελιπον εν μιλητω ασθενουντα. 21 σπουδασον προ χειμωνοσ ελθειν. ασπαζεται σε ευβουλοσ, και πουδησ, και λινοσ, και κλαυδια, και οι αδελφοι.
22 ο κ̅σ̅ μετα του πνευματοσ σου. η χαρισ μεθ υμων.