1 παυλοσ, και σιλουανοσ, και τιμοθεοσ; τη εκκλησια θεσσαλονικεων, εν θ̅ω̅ πατρι ημων και κ̅ω̅ ι̅υ̅ χ̅ω̅: 2 χαρισ υμιν και ειρηνη απο θ̅υ̅ πατροσ και κ̅υ̅ ι̅υ̅ χ̅υ̅.
3 ευχαριστειν οφειλομεν τω θ̅ω̅ παντοτε περι υμων, αδελφοι, καθωσ αξιον εστιν, οτι υπεραυξανει η πιστισ υμων, και πλεοναζει η αγαπη ενοσ εκαστου, παντων υμων, εισ αλληλουσ; 4 ωστε αυτουσ ημασ εν υμιν ενκαυχασθαι, εν ταισ εκκλησιαισ του θ̅υ̅, υπερ τησ υπομονησ υμων, και πιστεωσ εν πασιν τοισ διωγμοισ υμων, και ταισ θλιψεσιν αισ ανεχεσθε; 5 ενδειγμα τησ δικαιασ κρισεωσ του θ̅υ̅, εισ το καταξιωθηναι υμασ τησ βασιλειασ του θ̅υ̅, υπερ ησ και πασχετε; 6 ειπερ δικαιον παρα θ̅ω̅, ανταποδουναι τοισ θλιβουσιν υμασ θλιψιν, 7 και υμιν τοισ θλιβομενοισ, ανεσιν μεθ ημων εν τη αποκαλυψει του κ̅υ̅ ι̅υ̅ απ ουρανου, μετ αγγελων δυναμεωσ αυτου, 8 εν πυρι φλογοσ διδοντοσ εκδικησιν τοισ μη ειδοσι θ̅ν̅, και τοισ μη υπακουουσιν τω ευαγγελιω του κ̅υ̅ ημων, ι̅υ̅; 9 οιτινεσ δικην τισουσιν ολεθρον αιωνιον, απο προσωπου του κ̅υ̅, και απο τησ δοξησ τησ ισχυοσ αυτου; 10 οταν ελθη ενδοξασθηναι εν τοισ αγιοισ αυτου, και θαυμασθηναι εν πασιν τοισ πιστευσασιν, οτι επιστευθη το μαρτυριον ημων εφ υμασ εν τη ημερα εκεινη. 11 εισ ο και προσευχομεθα παντοτε περι υμων, ινα υμασ αξιωση τησ κλησεωσ ο θ̅σ̅ ημων, και πληρωση πασαν ευδοκιαν αγαθωσυνησ, και εργον πιστεωσ εν δυναμει, 12 οπωσ ενδοξασθη το ονομα του κ̅υ̅ ημων, ι̅υ̅, εν υμιν, και υμεισ εν αυτω, κατα την χαριν του θ̅υ̅ ημων και κ̅υ̅ ι̅υ̅ χ̅υ̅.