1 παυλοσ, αποστολοσ χ̅υ̅ ι̅υ̅, κατ επιταγην θ̅υ̅ σωτηροσ ημων, και κ̅υ̅ ι̅υ̅ χ̅υ̅ τησ ελπιδοσ ημων; 2 τιμοθεω, γνησιω τεκνω εν πιστει: χαρισ, ελεοσ, ειρηνη απο θ̅υ̅ πατροσ και χ̅υ̅ ι̅υ̅ του κ̅υ̅ ημων.
3 καθωσ παρεκαλεσα σε προσμειναι εν εφεσω, πορευομενοσ εισ μακεδονιαν, ινα παραγγειλησ τισιν μη ετεροδιδασκαλειν, 4 μηδε προσεχειν μυθοισ και γενεαλογιαισ απεραντοισ, αιτινεσ εκζητησεισ παρεχουσι μαλλον η οικονομιαν θ̅υ̅, την εν πιστει. 5 το δε τελοσ τησ παραγγελιασ εστιν αγαπη εκ καθαρασ καρδιασ, και συνειδησεωσ αγαθησ, και πιστεωσ ανυποκριτου; 6 ων τινεσ αστοχησαντεσ, εξετραπησαν εισ ματαιολογιαν, 7 θελοντεσ ειναι νομοδιδασκαλοι, μη νοουντεσ μητε α λεγουσιν, μητε περι τινων διαβεβαιουνται.
8 οιδαμεν δε οτι καλοσ ο νομοσ, εαν τισ αυτω νομιμωσ χρηται, 9 ειδωσ τουτο, οτι δικαιω νομοσ ου κειται, ανομοισ δε και ανυποτακτοισ, ασεβεσι και αμαρτωλοισ, ανοσιοισ και βεβηλοισ, πατρολωαισ και μητρολωαισ, ανδροφονοισ, 10 πορνοισ, αρσενοκοιταισ, ανδραποδισταισ, ψευσταισ, επιορκοισ, και ει τι ετερον τη υγιαινουση διδασκαλια αντικειται, 11 κατα το ευαγγελιον τησ δοξησ του μακαριου θ̅υ̅, ο επιστευθην εγω.
12 χαριν εχω τω ενδυναμωσαντι με, χ̅ω̅ ι̅υ̅ τω κ̅ω̅ ημων, οτι πιστον με ηγησατο, θεμενοσ εισ διακονιαν, 13 το προτερον οντα βλασφημον, και διωκτην, και υβριστην; αλλα ηλεηθην, οτι αγνοων, εποιησα εν απιστια. 14 υπερεπλεονασεν δε η χαρισ του κ̅υ̅ ημων, μετα πιστεωσ και αγαπησ τησ εν χ̅ω̅ ι̅υ̅. 15 πιστοσ ο λογοσ, και πασησ αποδοχησ αξιοσ: οτι “χ̅σ̅ ι̅σ̅ ηλθεν εισ τον κοσμον αμαρτωλουσ σωσαι”, ων πρωτοσ ειμι εγω. 16 αλλα δια τουτο ηλεηθην, ινα εν εμοι πρωτω ενδειξηται ι̅σ̅ χ̅σ̅ την απασαν μακροθυμιαν, προσ υποτυπωσιν των μελλοντων πιστευειν επ αυτω, εισ ζωην αιωνιον. 17 τω δε βασιλει των αιωνων, αφθαρτω, αορατω, μονω θ̅ω̅, τιμη και δοξα, εισ τουσ αιωνασ των αιωνων. αμην!
18 ταυτην την παραγγελιαν παρατιθεμαι σοι, τεκνον, τιμοθεε, κατα τασ προαγουσασ επι σε προφητειασ, ινα στρατευη εν αυταισ την καλην στρατειαν, 19 εχων πιστιν και αγαθην συνειδησιν, ην τινεσ απωσαμενοι, περι την πιστιν εναυαγησαν; 20 ων εστιν υμεναιοσ και αλεξανδροσ, ουσ παρεδωκα τω σατανα, ινα παιδευθωσι μη βλασφημειν.