πετρου α 3

1 ομοιωσ, γυναικεσ, υποτασσομεναι τοισ ιδιοισ ανδρασιν, ινα και ει τινεσ απειθουσιν τω λογω, δια τησ των γυναικων αναστροφησ ανευ λογου κερδηθησονται, 2 εποπτευσαντεσ την εν φοβω αγνην αναστροφην υμων. 3 ων εστω ουχ ο εξωθεν εμπλοκησ τριχων και περιθεσεωσ χρυσιων η ενδυσεωσ ιματιων κοσμοσ, 4 αλλ ο κρυπτοσ τησ καρδιασ ανθρωποσ, εν τω αφθαρτω του πραεωσ και ησυχιου πνευματοσ, ο εστιν ενωπιον του θ̅υ̅ πολυτελεσ. 5 ουτωσ γαρ ποτε και αι αγιαι γυναικεσ αι ελπιζουσαι εισ θ̅ν̅ εκοσμουν εαυτασ, υποτασσομεναι τοισ ιδιοισ ανδρασιν, 6 ωσ σαρρα υπηκουσεν τω αβρααμ, “κυριον”, αυτον καλουσα; ησ εγενηθητε τεκνα, αγαθοποιουσαι και μη φοβουμεναι μηδεμιαν πτοησιν.

7 οι ανδρεσ, ομοιωσ συνοικουντεσ κατα γνωσιν, ωσ ασθενεστερω σκευει τω γυναικειω, απονεμοντεσ τιμην ωσ και συνκληρονομοισ χαριτοσ ζωησ, εισ το μη ενκοπτεσθαι τασ προσευχασ υμων.

8 το δε τελοσ, παντεσ, ομοφρονεσ, συνπαθεισ, φιλαδελφοι, ευσπλαγχνοι, ταπεινοφρονεσ; 9 μη αποδιδοντεσ κακον αντι κακου, η λοιδοριαν αντι λοιδοριασ, τουναντιον δε ευλογουντεσ; οτι εισ τουτο εκληθητε, ινα ευλογιαν κληρονομησητε. 10 “ο” γαρ “θελων ζωην αγαπαν, και ιδειν ημερασ αγαθασ, παυσατω την γλωσσαν απο κακου, και χειλη του μη λαλησαι δολον. 11 εκκλινατω δε απο κακου, και ποιησατω αγαθον; ζητησατω ειρηνην και διωξατω αυτην. 12 οτι οφθαλμοι κ̅υ̅ επι δικαιουσ, και ωτα αυτου εισ δεησιν αυτων; προσωπον δε κ̅υ̅ επι ποιουντασ κακα.”

13 και τισ ο κακωσων υμασ, εαν του αγαθου ζηλωται γενησθε? 14 αλλ ει και πασχοιτε δια δικαιοσυνην, μακαριοι. “τον δε φοβον αυτων, μη φοβηθητε μηδε ταραχθητε”; 15 κ̅ν̅ δε τον χ̅ν̅ αγιασατε εν ταισ καρδιαισ υμων; ετοιμοι αει προσ απολογιαν παντι τω αιτουντι υμασ λογον, περι τησ εν υμιν ελπιδοσ, 16 αλλα μετα πραυτητοσ και φοβου, συνειδησιν εχοντεσ αγαθην, ινα εν ω καταλαλεισθε, καταισχυνθωσιν, οι επηρεαζοντεσ υμων την αγαθην εν χ̅ω̅ αναστροφην. 17 κρειττον γαρ αγαθοποιουντασ, ει θελοι το θελημα του θ̅υ̅, πασχειν η κακοποιουντασ. 18 οτι και χ̅σ̅ απαξ περι αμαρτιων απεθανεν, δικαιοσ υπερ αδικων, ινα υμασ προσαγαγη τω θ̅ω̅, θανατωθεισ μεν σαρκι, ζωοποιηθεισ δε π̅ν̅ι̅; 19 εν ω και τοισ εν φυλακη πνευμασιν πορευθεισ εκηρυξεν, 20 απειθησασιν ποτε οτε απεξεδεχετο η του θ̅υ̅ μακροθυμια εν ημεραισ νωε, κατασκευαζομενησ κιβωτου εισ ην ολιγοι, τουτ εστιν, οκτω ψυχαι, διεσωθησαν δι υδατοσ. 21 ο και υμασ αντιτυπον νυν σωζει βαπτισμα, ου σαρκοσ αποθεσισ ρυπου, αλλα συνειδησεωσ αγαθησ, επερωτημα εισ θ̅ν̅ δι αναστασεωσ ι̅υ̅ χ̅υ̅, 22 οσ εστιν εν δεξια θ̅υ̅, πορευθεισ εισ ουρανον, υποταγεντων αυτω αγγελων, και εξουσιων, και δυναμεων.