1 ουκ ειμι ελευθεροσ? ουκ ειμι αποστολοσ? ουχι ι̅ν̅ τον κ̅ν̅ ημων εορακα? ου το εργον μου υμεισ εστε εν κ̅ω̅? 2 ει αλλοισ ουκ ειμι αποστολοσ, αλλα γε υμιν ειμι; η γαρ σφραγισ μου τησ αποστολησ, υμεισ εστε εν κ̅ω̅.
3 η εμη απολογια τοισ εμε ανακρινουσιν εστιν αυτη: 4 μη ουκ εχομεν εξουσιαν φαγειν και πειν? 5 μη ουκ εχομεν εξουσιαν αδελφην, γυναικα περιαγειν, ωσ και οι λοιποι αποστολοι, και οι αδελφοι του κ̅υ̅, και κηφασ? 6 η μονοσ εγω και βαρναβασ, ουκ εχομεν εξουσιαν μη εργαζεσθαι? 7 τισ στρατευεται ιδιοισ οψωνιοισ ποτε? τισ φυτευει αμπελωνα, και τον καρπον αυτου ουκ εσθιει? η τισ ποιμαινει ποιμνην, και εκ του γαλακτοσ τησ ποιμνησ, ουκ εσθιει?
8 μη κατα ανθρωπον, ταυτα λαλω, η και ο νομοσ ταυτα ου λεγει? 9 εν γαρ τω μωυσεωσ νομω, γεγραπται, “ου φιμωσεισ βουν αλοωντα.” μη των βοων μελει τω θ̅ω̅? 10 η δι ημασ παντωσ λεγει? δι ημασ γαρ εγραφη οτι οφειλει επ ελπιδι ο αροτριων αροτριαν, και ο αλοων επ ελπιδι του μετεχειν. 11 ει ημεισ υμιν τα πνευματικα εσπειραμεν, μεγα ει ημεισ υμων τα σαρκικα θερισομεν? 12 ει αλλοι τησ υμων εξουσιασ μετεχουσιν, ου μαλλον ημεισ?
αλλ ουκ εχρησαμεθα τη εξουσια ταυτη, αλλα παντα στεγομεν, ινα μη τινα ενκοπην δωμεν τω ευαγγελιω του χ̅υ̅. 13 ουκ οιδατε οτι οι τα ιερα εργαζομενοι, τα εκ του ιερου εσθιουσιν; οι τω θυσιαστηριω παρεδρευοντεσ, τω θυσιαστηριω συνμεριζονται? 14 ουτωσ και ο κ̅σ̅ διεταξεν τοισ το ευαγγελιον καταγγελλουσιν, εκ του ευαγγελιου ζην.
15 εγω δε ου κεχρημαι ουδενι τουτων. ουκ εγραψα δε ταυτα, ινα ουτωσ γενηται εν εμοι; καλον γαρ μοι μαλλον αποθανειν, η το καυχημα μου ουδεισ κενωσει. 16 εαν γαρ ευαγγελιζωμαι, ουκ εστιν μοι καυχημα, αναγκη γαρ μοι επικειται; ουαι γαρ μοι εστιν, εαν μη ευαγγελιζωμαι. 17 ει γαρ εκων τουτο πρασσω, μισθον εχω; ει δε ακων, οικονομιαν πεπιστευμαι. 18 τισ ουν μου εστιν ο μισθοσ? ινα ευαγγελιζομενοσ αδαπανον, θησω το ευαγγελιον, εισ το μη καταχρησασθαι τη εξουσια μου εν τω ευαγγελιω.
19 ελευθεροσ γαρ ων εκ παντων, πασιν εμαυτον εδουλωσα, ινα τουσ πλειονασ κερδησω. 20 και εγενομην τοισ ιουδαιοισ, ωσ ιουδαιοσ, ινα ιουδαιουσ κερδησω; τοισ υπο νομον, ωσ υπο νομον, μη ων αυτοσ υπο νομον, ινα τουσ υπο νομον κερδησω; 21 τοισ ανομοισ, ωσ ανομοσ, μη ων ανομοσ θ̅υ̅, αλλ εννομοσ χ̅υ̅, ινα κερδανω τουσ ανομουσ. 22 εγενομην τοισ ασθενεσιν, ασθενησ, ινα τουσ ασθενεισ κερδησω. τοισ πασιν γεγονα παντα, ινα παντωσ τινασ σωσω. 23 παντα δε ποιω δια το ευαγγελιον, ινα συνκοινωνοσ αυτου γενωμαι.
24 ουκ οιδατε οτι οι εν σταδιω τρεχοντεσ, παντεσ μεν τρεχουσιν, εισ δε λαμβανει το βραβειον? ουτωσ τρεχετε, ινα καταλαβητε. 25 πασ δε ο αγωνιζομενοσ, παντα εγκρατευεται; εκεινοι μεν ουν ινα φθαρτον στεφανον λαβωσιν, ημεισ δε αφθαρτον. 26 εγω τοινυν ουτωσ τρεχω, ωσ ουκ αδηλωσ; ουτωσ πυκτευω, ωσ ουκ αερα δερων; 27 αλλα υπωπιαζω μου το σωμα, και δουλαγωγω, μη πωσ αλλοισ κηρυξασ, αυτοσ αδοκιμοσ γενωμαι.