1 καγω, αδελφοι, ουκ ηδυνηθην λαλησαι υμιν ωσ πνευματικοισ, αλλ ωσ σαρκινοισ, ωσ νηπιοισ εν χ̅ω̅. 2 γαλα υμασ εποτισα, ου βρωμα; ουπω γαρ εδυνασθε. αλλ ουδε νυν δυνασθε; 3 ετι γαρ σαρκικοι εστε. οπου γαρ εν υμιν ζηλοσ και ερισ, ουχι σαρκικοι εστε και κατα ανθρωπον περιπατειτε? 4 οταν γαρ λεγη τισ, “εγω” μεν “ειμι παυλου”, ετεροσ δε, “εγω απολλω”, ουκ ανθρωποι εστε?
5 τι ουν εστιν απολλωσ? τι δε εστιν παυλοσ? διακονοι δι ων επιστευσατε, και εκαστω ωσ ο κ̅σ̅ εδωκεν. 6 εγω εφυτευσα, απολλωσ εποτισεν, αλλα ο θ̅σ̅ ηυξανεν. 7 ωστε ουτε ο φυτευων εστιν τι, ουτε ο ποτιζων, αλλ ο αυξανων, θ̅σ̅. 8 ο φυτευων δε, και ο ποτιζων, εν εισιν; εκαστοσ δε τον ιδιον μισθον λημψεται, κατα τον ιδιον κοπον. 9 θ̅υ̅ γαρ εσμεν συνεργοι; θ̅υ̅ γεωργιον, θ̅υ̅ οικοδομη εστε.
10 κατα την χαριν του θ̅υ̅ την δοθεισαν μοι, ωσ σοφοσ αρχιτεκτων θεμελιον εθηκα, αλλοσ δε εποικοδομει. εκαστοσ δε βλεπετω, πωσ εποικοδομει. 11 θεμελιον γαρ αλλον ουδεισ δυναται θειναι, παρα τον κειμενον, οσ εστιν ι̅σ̅ χ̅σ̅. 12 ει δε τισ εποικοδομει επι τον θεμελιον χρυσον, αργυρον, λιθουσ τιμιουσ, ξυλα, χορτον, καλαμην, 13 εκαστου το εργον φανερον γενησεται; η γαρ ημερα δηλωσει, οτι εν πυρι αποκαλυπτεται; και εκαστου το εργον, οποιον εστιν, το πυρ αυτο δοκιμασει. 14 ει τινοσ το εργον μενει, ο εποικοδομησεν, μισθον λημψεται. 15 ει τινοσ το εργον κατακαησεται, ζημιωθησεται; αυτοσ δε σωθησεται, ουτωσ δε ωσ δια πυροσ.
16 ουκ οιδατε οτι ναοσ θ̅υ̅ εστε, και το π̅ν̅α̅ του θ̅υ̅ οικει εν υμιν? 17 ει τισ τον ναον του θ̅υ̅ φθειρει, φθερει τουτον ο θ̅σ̅; ο γαρ ναοσ του θ̅υ̅ αγιοσ εστιν, οιτινεσ εστε υμεισ.
18 μηδεισ εαυτον εξαπατατω; ει τισ δοκει σοφοσ ειναι εν υμιν εν τω αιωνι τουτω, μωροσ γενεσθω, ινα γενηται σοφοσ. 19 η γαρ σοφια του κοσμου τουτου, μωρια παρα τω θ̅ω̅ εστιν. γεγραπται γαρ, “ο δρασσομενοσ τουσ σοφουσ εν τη πανουργια αυτων.” 20 και παλιν, “κ̅σ̅ γινωσκει τουσ διαλογισμουσ των σοφων, οτι εισιν ματαιοι.” 21 ωστε μηδεισ καυχασθω εν ανθρωποισ; παντα γαρ υμων εστιν, 22 ειτε παυλοσ, ειτε απολλωσ, ειτε κηφασ, ειτε κοσμοσ, ειτε ζωη, ειτε θανατοσ, ειτε ενεστωτα, ειτε μελλοντα; παντα υμων, 23 υμεισ δε χ̅υ̅, χ̅σ̅ δε θ̅υ̅.